O que se pregunta antes de chamar.

Unha revisión de como está a túa empresa hoxe: que datos persoais tratas, que documentos tes, cales faltan, que formación está rexistrada, que obrigas preventivas aplican e que che pediron clientes ou administracións nos últimos dous anos.

O resultado é un documento de traballo, non un informe de 90 páxinas: mapa de riscos, prioridades, responsable de cada acción e data orientativa.

Non. A avaliación de riscos, a planificación preventiva e a vixilancia da saúde corresponden ao teu servizo de prevención acreditado. O fiscal, laboral e contable, á túa xestoría. Nós cubrimos o que adoita quedar entre medias: a documentación que piden os clientes, a protección de datos, a canle de denuncias e a formación documentada.

Non. Prestamos consultoría técnica e de cumprimento. Cando o asunto require dirección letrada —un procedemento sancionador, unha reclamación xudicial, un contrato complexo— dicímolo e coordínase cun avogado. Non asinamos o que non nos corresponde.

Si, sempre que a obriga exista ou o risco sexa real. Se es autónomo sen plantilla e non tratas datos de terceiros máis alá da túa facturación, probablemente non necesites un plan mensual: dicímoscho e dámosche unha lista do mínimo que debes ter.

Si. A parte documental, a auditoría de web e a formación en liña fanse en remoto en toda España. O acompañamento presencial e as visitas de prevención concéntranse en Vigo e a súa área metropolitana, con dispoñibilidade puntual no resto de Galicia.

Non todas as empresas están obrigadas. O RGPD esíxeo cando o tratamento é a grande escala, cando se tratan categorías especiais de datos de forma sistemática ou cando o fai unha autoridade pública. Tamén pode ser obrigatorio por normativa sectorial. Comprobámolo e, se non é obrigatorio, valoramos se che convén telo por volume ou por esixencia de clientes.

A Lei 2/2023 esíxea, con carácter xeral, a partir de 50 traballadores. Tamén a empresas máis pequenas en sectores concretos: servizos financeiros, prevención do branqueo de capitais, seguridade do transporte, protección do medio ambiente e algúns máis. Se non che aplica, dicímoscho antes de presupostar.

Probablemente non. A norma esixe un sistema interno de información con procedemento, responsable designado, prazos, rexistro de expedientes, garantías de confidencialidade e protección fronte a represalias. Un correo xenérico non cobre iso e pode xerar responsabilidade se alguén denuncia e non hai resposta.

Si, nos plans mensuais. Recibimos a solicitude, comprobamos a identidade, localizamos a información, preparamos a resposta en prazo e deixamos constancia. Se a solicitude é complexa ou afecta a un procedemento xudicial, coordínase con asesoría legal.

Actívase o protocolo: contención, valoración do risco, documentación e, se procede, notificación á autoridade de control en 72 horas e comunicación aos afectados. Se non tes protocolo escrito, ese é un dos primeiros documentos que redactamos.

O diagnóstico son 690 € máis IVE, pago único. O plan Esencial son 240 €/mes e o Integral 590 €/mes, sen IVE. Cada plan ten o seu alcance detallado na páxina de plans e prezos. O que non estea aí presupóstase antes de facelo.

Non. Os plans mensuais cancélanse con 30 días de preaviso. O diagnóstico é un servizo pechado e factúrase unha vez. Se nalgún momento non hai traballo que xustifique a cota, dicímoscho antes de que o propoñas ti.

Porque non vendemos plantillas. Cada documento se adapta á túa actividade, cada formación se prepara cos teus casos e cada revisión leva o tempo de ler o que tes. A 90 € ao mes non se pode facer iso: pódese enviar un PDF xenérico e desexar que ninguén o lea.

Si. A formación contráctase de forma independente, por grupo e con prezo pechado. Non fai falta contratar un plan mensual.

Si, facturamos con IVE e traballamos con empresas privadas e entidades públicas. Para licitacións, preparamos a documentación técnica e a memoria do servizo segundo os pregos.

Algúns poden selo a través do sistema de formación para o emprego, pero depende da modalidade, da empresa e da convocatoria vixente. Indicámosche que comprobar antes de contratar e non prometemos bonificación sen confirmala.

Control de asistencia asinado, material adaptado, avaliación individual e certificado con contido, duración e data. Todo nun expediente que podes presentar a un cliente, a unha inspección ou a unha auditoría.

Non. Esa formación esixe unha entidade ou persoa habilitada e, en construción, a tarxeta profesional correspondente. Identificamos que necesita cada persoa, derivámolo a quen pode impartilo e comprobamos o certificado cando chega.

Só con designación formal do promotor e coa póliza e o alcance que correspondan. É un encargo independente, con visitas e prezo propios. Non está incluído na cota mensual nin se pode “regalar” desde a subcontrata.

Comunícase por escrito ao empresario de inmediato, coa descrición do risco e a medida proposta. A decisión de paralizar corresponde á empresa; nós deixamos constancia da comunicación e da resposta.